Kak so wšitko započa
wot wobhrodźenja za zwěrinu k připóznatemu zwěrjencej

Spočatk 50tych lět měješe přećel přirody z Wojerec, kotrehož mjeno bohužel znate njeje, mysličku, při hrodowskej hrjebi někotre eksotiske kački a kołpje zadomić.
Tehdyši direktor muzeja Günter Peters bě wo tutej ideji zahorjeny. 1956 zarjadowa ze zahoritymi pomocnikami „Narodneho natwarneho skutka“ wobhrodźenje za sorny a kołpje. Jako běchu potom tež woliery za bažanty, parlawy (Perlhühner) a hołbje na mosće připrawjene, woswjećichu Wojerowčenjo w septembrje 1956 hordźe wotewrjenje swojeje domizniskeje zahrody. „Rańše piwko z direktorom zwěrjenca“ wusyłaše so originalnje dnja 4. meje 1967 z Wojerec w telewiziji. Tysacy ludźi z města a wokoliny dožiwichu wjesołe a zabawne hodźiny we woblubowanym  bliskowočerstwjenišću.
Z metropole nad Łobjom dóńdźechu dalše zwěrjata jako dar do Wojerec: cebry, cebuwy, Wattussi-howjada, bizony, kenguruwy, pumy, makije, emuwy a arasy. Hišće do poswjećenja noweho domu tropow w awgusće 1968 zaćahny nižinowy tapir do tuteje hale. Hižo lěto pozdźišo dožiwichmy w domje tropow wuspěch w plahowanju eksotiskeju ptačeju družinow - tonkibülbüla a štyribarbnych tangarow, štož so prěni raz na swěće poradźi.
1975 poda so Günter Peters na wuměnk a přepoda direktorat dr. Hansej Dieterej Hohmannej. Wón wěnowaše wulku kedźbnosć žiwjenskim wuměnjenjam a plahowanju wohroženych domoródnych a europskich družin zwěrjatow. Wot toho časa so dale a husćišo poradźi, zwěrjata zaso plahować. Tež pozdźiši direktor dr. Werner Jorga, kotryž steješe wot nowembra 1984 do awgusta 2008 na čole tutoho zarjadnišća, zapisa so cyle narokej Wojerowskeho zwěrjenca – wočerstwjenju, kubłanju a slědźenju.
Tohodla eksistuje tu wot lěta 1989 zwěrjencowa šula, kotrejež sobudźěłaćerjo z wodźenjemi, ekskursijemi a přednoškami praksy blisku wučbu biologije podpěruja.
Mjezynarodnu nahladnosć zdoby sej Wojerwoski zwěrjenc z tym, zo zarjadowa w lěću 1989 zhromadnje ze sekciju biowědomosćow Uniwersity Martina Luthera w Halle mjezynarodny sympozij wo ekologiji cycakow z družiny kunow, na kotrymž so 120 ekspertow z 13 krajow wobdźěli.

1994 schwali knježerstwowy prezidij Drježdźany próstwu měšćanskeho zarjadnistwa Wojerecy, tak zo so zwěrjenc jako coologiska zahroda z wědomostnym nawodom připózna. Nětko smě Wojerowski zwěrjenc oficialnje pomjenowanje coologiska zahroda wužiwać.
Hižo tutón fakt bě a je pohon za dalše wuhotowanje a wuwiće zwěrjenca. Tak so na přikład 1997 nowy dom tropow wotewrě, a mnozy přećeljo zwěrjenca sonja wo planowanej připrawje za ćulenje (Robben).
Naspomnić ma so tule tež wotewrjenje zwěrjencoweho hosćenca „Jambo“ dnja 15. oktobra 2008, hdźež móža so hosćo z kulinarskimi chłóšćenkami afriskeje kuchnje we wotpowědnym ambiente pohosćić dać.

Naslědnistwo knjeza dr. Wernera Jorgi nastupi w awgusće 2008 knjeni dr. Monika Häfner, kotraž z wulkim angažementom nowe ideje a přidatny rozmach do zwěrjenca přinjeseše. Ale hižo w septembru 2010 knjeni dr. Monika Häfner zwěrjenc bohužel zaso wopušći. Zawostaji ze swojim wotchadom naročny nadawk, nakročeny puć modernizowanja zwěrjenca pokročować. Tutomu nadawkej wěnuje so wot oktobra 2010 naša nowa amtěrowaca nawodnica zwěrjenca knjeni Carmen Lötsch. Z wjele pilnosću a česćelakomnosću stara so wo to, zo so zwěrjenc dlěšodobnje we Wojerecach zachowa."   

wot wobhrodźenja za zwěrinu k připóznatemu zwěrjencej

1975 trat Günter Peters aus
Altersgründen in den Ruhestand.

Bären in ihrer Anlage