Škit družin

Wojerowski zwěrjenc słuži wočerstwjenju, kubłanju a slědźenju. Nimo toho ma wulku zamołwitosć nastupajo škit přirody.
Sobudźěłaćerjo zarjadnišća wukonjeja tež wažne dźěło we wobłuku škita družin z tym, zo hladaja w přirodźe zranjenu dźiwinu, kaž na přikład sowy a rubježne ptaki, kotrež zranjenja dla hižo lětać njemóžachu. Po jich wustrowjenju buchu zaso do přirody pušćene.
Tež eksemplary wohroženych družin, kaž rybjacy a mórski worjoł, buchu nam přepodate a móžachu so po swojim wustrowjenju zaso do přirody pušćić.
Dotal dósta so k nam jenož z družiny najwjetšeho rubježneho ptaka našeje domizny – mórskeho worjoła – wosom eksemplarow w špatnym stawje. Wjace hač połojcu z nich wusadźichmy z rynku markěrowane z podpěru škitarjow přirody w kónčinach, w kotrychž su doma.
Je pak so tež hižo stało, zo wosłabjene worjoły hižo na transporće do zwěrjenca zahinychu. Běchu ze žiwym slěbrom poćežene dźiwje husy žrali, kotrež běchu bajcowane, njezaworane symjo žrali.
Poćeženja z pesticidami a ćežkometalemi dyrbja so z našeho wobswěta zminyć. Jenož, jeli so wšitke mylace a škódne faktory wotstronja, budźe so wobstatk mórskich worjołow we Łužicy – něhdźe 25 do 30 porow – zachować móc. Bohužel nima tuchwilu ani hišće połojca porikow kóžde lěto młodźata.

Artenschutz

Untersuchung eines Adlers