Witajće wutrobnje

We Wojerowskim zwěrjencu wosrjedź stareho města w susodstwje hrodu móže so čłowjek kubłać, tójšto dožiwić, so wočerstwić. Zdobom je zwěrjenc botaniska zahroda a slědźenišćo. Na šěsć hektarach płoniny prezentuje so tu 1 199 zwěrjatow w 190 formach. Tójšto nahladnych štomow wobrubja naš park, mjez druhim rědke družiny, kaž gingko, hoberski pražerowc (Urmammutbaum) a Katzura-štom.
W krasnym měsacu meji porjeńša teren tež hišće 85 horncow z tropiskimi a subtropiskimi rostlinami. Naši wopytowarjo přebywaja tež jara rady w chłódkojtych kućikach na ławkach kołowokoło hata z wódnymi ptačkami.
Jara zajimawej stej tež dwě wučbnej šćežce: ornitologiska a geologiska. Tež „hotel za insekty“, łuka mjetelčkow a mnoho dalšeho přeprošuja k wobkedźbowanju. Wědylačni móža so tule rady informować a dóstawaja přidatne informacije na tafličkach při klětkach a w našich wukładnych kašćikach.
Wot lěta 1986 mamy zwěrjencowu šulu za dźěći a młodostnych, w kotrejž móže so tež wučba biologije přewjesć.
Jako tip za wólny čas doporučamy zwěrjencowy klub w tutej šuli. Jeho čłonojo zetkawaja so srjedu w 14.30 hodź. Kóždy zajimc je tu wutrobnje witany.
Wosebite dožiwjenje skića našim wopytowarjam dom tropow, kotryž bu 1997 natwarjeny. Flora, zrjadowana podobnje kaž w přirodźe, skića dohlady do žiwjenskeho ruma eksotiskich zwěrjatow.
Wojerowski zwěrjenc je třeći najwjetši w Sakskej. Kóžde lěto wopytuje nas něhdźe 150 000 hosći zbliska a zdaloka.
Wjeselimy so tež na Waš wopyt – budźće wutrobnje witani!

www.facebook.com/
Zoo.HY

Ausbildung im Zoo Hoyerswerda
Traumberuf Tierpfleger?
Wir geben Dir eine Chance!
Bewirb dich jetzt für die Ausbildung zum/zur
Zootierpfleger/in ...