Wuměłstwo w zwěrjencu  

Wot samoho spočatka so tworjace wuměłstwo do wuhotowanja zwěrjenca zapřija. Tak twori so harmonija mjez zwěrjatami, rostlinami a wuměłstwom.
Nimo plastikow móža wopytowarjo wuměłske twórby, zhotowjene w najwšelakorišich technikach a materijalijach, wobdźiwać a je přimać. Na někotrych plastikach, kotrež wosebje k přimanju wabja, jewja so hižo wotpowědne slědy.
Tak su w běhu zašłych lětdźesatkow wjacore generacije wotrostli, kotrež na přikład na bronzowej plastice „Kózlatka” zahoriće jěchachu a při tym chribjet kózlatkow a wuši poněčim spolěrowachu.
Hač do 1989 wotmě so kóžde druhe lěto sympozij rězbarjow we Wojerowskim zwěrjencu. Jürgen von Woyski dźěłaše jako wuměłski nawoda z kolegami z mnohich europskich krajow hromadźe.

Wuměłstwo w zwěrjencu