Kmótřistwo za zwěrjata
Kmótřistwo za zwěrjata jako aktiwna pomoc!

Přeco zaso pytaja zajimowani přećeljo zwěrjatow za móžnosćemi, naš zwěrjenc podpěrować. To móža na te wašnje činić, zo přewozmu kmótřistwo za zwěrjata. Tak móža pomhać zachować, štož je so wot 1959 sem z pilnym angažementom našich ludźi wuwiło. Pjenježne srědki z tajkich kmótřistwow so w zwěrjencu na wšelake wašnje na dobro zwěrjatow a za naše zaměry nałožuja.

Kak móžu kmótřistwo přewzać?
Cyle jednorje – wupjelniće formular dokumenta a pósćeleće jón z póstom abo z faksom (abo přez e-mail) na podatu adresu.
Dosaha pak tež, hdyž zazwoniće na deleka podate telefoniske čisło. Něchtó z našich sobudźěłaćerjow so z Wami bórze skontaktuje a wšo trěbne dorěči.
Jako kmótr abo kmótra nimaće žanych dalšich winowatosćow, nimaće pak tež žane wosobinske prawo na zwěrjeću.

Podźělne kmótřistwo jako alternatiwa!
Wězo je nam jasne, zo njeje kóždemu móžno, wjetše pjenježne dary za tajke kmótřistwo nałožić. Zo bychmy Wam zmóžnili, sej z cyłeho spektruma zwěrjo wuzwolić, je ideja wo podźělnym kmótřistwje nastała.

A takle to dźe …
Wuzwoliće sej zwěrjo a postajiće sumu na lěto (ze zarjadnisko-techniskich přičin je minimalny přinošk 50 euro) a wobdźěliće so na tute wašnje na kmótřistwje za tute zwěrjo. Při přinošku we wysokosći znajmjeńša 250 euro móžeće so na tafli kmótřow zapisać dać.
Za swój dar dóstanjeće wotpowědnu kwitowanku.

Kmótřistwo za zwěrjata

Patenschaft – Tiere, Preise
Übersicht öffnen (pdf)

Antrag für eine Patenschaft
Antrag öfnnen (pdf)